Ты неделят сав пумащ вармаль олсыт. Овыл хоталыт ам Таръя ёт маньщи латын мань латынкве урыл потыртасмен, ос хотпатув менамен хунтласыт. Тувыл, китыт хоталт, ам няврамыт ханищтасум, сулит пес шумер щирыл хансункв суссылтасанум. Ос та хоталт ам Артём румам ёт Рощия латыныт олупса урыл потыртасмен. Касын хотал, пуссын сат ам матсырмат, мансырман варсум. Ты хотал, ос холытан, ос ялпын хоталт тах та-ущлахтэюм.